BUSCADOR

AUTORES

A B C D E F G H I J K L M N O P Q R S T U V W X Y Z

ÚLTIMAS NOTICIAS

TOP LIBROS

Marcel Schwob

Marcel Schwob-en “Bizi alegiazkoak” agertu zaigu euskaraz. Idazle honen liburuen euskal itzulpenen kopurua poliki-poliki handituz doa; izan ere, kanpoko idazleen artean gehien itzuli denetako bat da idazle frantziar hau. Honetan idazleak biografiaren ereduari jarraituta egindakoo istorio batzuk kontatzen ditu. Egileak egia eta fikzioaren arteko kontrajarpenarekin jokatzen du lehenengo momentutik, eta agertzen zaizkigun pertsonaien bizitzak benetakoak balira bezala aurkezten zaizkigu.

Irakurleari, ordea, ez zaio axola halako istorioak kontatzen zaizkionean bertan agertzen dena egiazkoa den ala ez. Borges-ek idatzitako “Historia universal de la infamia”k, bestaldetik, asko zor dio lan honi, liburuan bertan aipatzen den bezala, eta irakurlea laster ohartuko da bien arteko antzekotasunez. Pertsonaien bizitzak berezi eta paregabe bihurtzen dituzten osagaiek osatzen dituzte istorio hauen argumentuak. Beti ere galtzaile suertatzen diren pertsonaia patetikoak (ofizioa oso ondo ezagutzen ez duten pirata afizionatuak, adibidez) aukeratu dira, gehienetan, protagonistatzat. Idazlea, ordea, ereduak erakutsi beharrean, pertsonaiak bakan bihurtzen dituzten xehetasun bitxi horien bila dabil, historiaren ertzean.

Título original Vies imaginaires
Traductor Juan Garzia Garmendia
Idioma Euskera
Publicación 1896 (2002)
Editorial Editorial Ibaizabal
Categoría Narrativa


Descargar Bizi Alegiazkoak de Marcel Schwob